Líka hjá Icelandair.

Þetta hefur líka gerst hjá Iclandair, þá voru skildir eftir í Amsterdam 3 úr hópferðinni okkar vegna ofbókunnar í vélina, ekki nóg með það heldur átti að vera innifalin matur í fluginu en ekki voru nógu margir slíkir skammtar um borð. Tek þetta fram því mér finnst einstefnan á það sem miður fer hjá Express hjá fjölmiðlum fram úr hófi gengin.

Fjórtán ára stúlka skilin eftir

Athugasemdir

[Már Elíson, 5.8.2011 kl. 09:35]

Það er ekkert annað en einelti á IE sem á sér stað á síðum fjölmiðla núna um þessar mundir.

Hreint og klárt, og Icelandair, óskabarn þjóðarinnar á ríkisjötunni, fær að valsa um óáreitt í þeirri herferð sinni til að koma eina aðhaldi okkar í fluginu gegn þeim, Iceland Express, á kné.

Þetta má ekki gerast, að eitt stórt, ríkisstyrkt flugfélag, fái að komast upp með þetta á þessum tímum, og frelsis í flugi.

[Guðrún Jóhannesdóttir, 5.8.2011 kl. 09:39]

makalaust einelti í garð IE, ég hef ferðast með þessu felagi og líkar það bara með ágætum! Það verður gaman hjá okkur (eða ekki) þegar búið er að ganga frá IE og við höfum aðeins eitt flugfélag, þá fara nú flugfargjöldin aldeilis uppávið.

[Sigurlaug Guðrún Inga Gísladóttir, 5.8.2011 kl. 09:41]

Þetta er farið að líkast já ansi mikið einelti, það er rétt hjá þér. Málið er að þetta er allt að gerast hjá hinu félaginu líka en einhverra hluta ratar það aldrei í fjölmiðla, hvað sem því veldur.

Þetta er auðvitað til skammar að svona gerist, en það gerist EKKI BARA hjá Express.

[Sigurlaug Guðrún Inga Gísladóttir, 5.8.2011 kl. 09:48]

Ég hef ferðast með báðum aðilum og oftast um Kastrup, og verð ég að segja að þeir hjá express verða hreinlega að skipta um þjónustuaðila þar, held að stór vandi þeirra felist í þeim aðilum sem þeir kaupa þjónustu af viða um flugvelli sem þeir skipta við. Þeir eru einfaldlega ekki að standa sig.

Hvað stóra FUGLINN varðar, þá hefur mér alltaf fundist skorta á mannlega þáttin hjá þeim, flugþjónar kunna ekki að brosa hvað þá að þau hafi húmor en það hef ég svo ekki fundið fyrir hjá express ennþá að minnsta kosti...... 7-9-13.......þau hafa hingað til haft brosið og húmorinn á hreinu og meðan svo er get ég fyrirgefið ýmislegt.

[Bjarni Óskar Halldórsson, 5.8.2011 kl. 10:01]

Það er sennilega ýmislegt sem IE getur bætt svo sem of mikið af ónýtum sætum og fleira. En ég er alveg sammála félagið er ofsótt í fjölmiðlum og einnig er það rétt að margt er einnig að hjá Icelandair.

[Þorvaldur Guðmundsson, 5.8.2011 kl. 12:12]

Við höfum bara eitt flugfélag, IE er ekki íslenskt fyrirtæki.

[Óskar, 5.8.2011 kl. 13:30]

Síðast þegar ég flaug með Iceland Express lenti ég í þvílíkum raunum að það hvarflar ekki að mér að fljuga með þeim aftur.  Þetta er ekkert einelti, það er bara verið að flytja hér sannar fréttir af þessu drullufyrirtæki.

Höfundur bloggsins hér sem vísar í sambærilegt atvik hjá Flugleiðum gerir sér ekki grein fyrir því að það er munur að skilja eftir 14 ára barn og fullorðið fólk þegar yfirbókanir eiga sér stað sem reyndar gerast af og til hjá öllum flugfélugum en fæst þeirra ganga svo langt að skilja börnin eftir!

[Már Elíson, 5.8.2011 kl. 14:27]

Það er rétt, að vélar Asterus flugvélaeigandans og flugrekstraraðilans, eru þreyttar að mörgu leyti, sæti sjúskuð og handföng slitin. IE er ekkert - bara skrifstofa sem tekur vélar á leigu og ætlaði sér í upphafi að vera "net-flugfélag" og ákkúrat í þessum dúr sem það er.

Þar gleymdu bara þessum faktor, að vera með almennilega þjónustuaðila í öllum hornum rekstursins.

Það er nú reyndar komin skýring á því afhverju 14 ára stúlka (hætt að vera barn) var skilin eftir ásamt öðrum einstaklingi - Starfsmaður á plani gerði greinilega og nú útskýrða skyssu og ég myndi segja, að svona starfsmanni myndi ég hafna alfarið að vinna við mína stjórnstöð á flugvelli. Þetta mál er a.m.k. leyst farsællega með afsökunum og 3ja flugmiða bætingu.

Það er erfitt að klína öllum mistökum (sem aðrir gera) um leið og sagan birtist, á IE skrifstofuna - Það hlýtur alltaf að vera útskýring og menn/konur/fólk ætti/u ekki dæma svona fljótt, og helst ekki fyrr en sagan er öll.

Eins finnst mér að fólk ætti að passa sig á að detta ekki í þann pytt, að vera í sífelldri samanburðaleikfimi við Icelandair og IE - það kallar bara á skítkast á báða bóga og gerir manninn minni. 

[Birgir Örn Guðjónsson, 5.8.2011 kl. 16:03]

Már er duglegur að fara milli blogga og "cut/paste" sína færslu.

Held að hann hljóti að vera tengdur IE.

Og már 14 ára stúlkan er barn. lestu barnalögin...

[Már Elíson, 5.8.2011 kl. 16:20]

Sæll Birgir,

Það er rétt hjá þér, en það er óþarfi að skrifa algerlega upp aftur það sem áður er sagt - þetta gerði ég hinsvegar aðeins að hluta til við þessa færslu vegna þess að erindið var það sama.

Ég er á engan hátt tengdur IE og hef einnig slæmar sögur að segja af viðskiptum við þá, en fyrirgefning er máttur. Ég bara passa mig næst.

Ég hef ekkert yfir þjónustu flugfreyja eða starfsmanna um borð í vélum sem IE leigir, þau vinna eftir bestu getu og ætti gagnrýnin að taka mið af því að starfsfólk í háloftunum gerir allt eftir bestu vitund og óþarfi að draga það óbeint inn í þær neikvæðu (réttmætu) fréttir sem snúa að aðilum tengdum IE.

Spurðu svo 14 ára, fermda stúlku hvort hún sé barn.....Óþarfi að vera að drametesera fréttir með tilvitnun í börn - BÖRN fara ekki í flug...eða má það ?

Kveðja.

[Sigurlaug Guðrún Inga Gísladóttir, 5.8.2011 kl. 17:18]

Óskar..... ég tók ekkert fram um aldur þeirra er urðu eftir hjá Icelandair og þeir tékkuðu ekkert á aldri þeirra heldur þegar þeir voru skildir eftir. Þeir voru bara síðastir að útgönguhliði og við vissum ekki einu sinni að þeir hefðu orðið eftir fyrr en í Keflavík, hvað þá Icelandair. Hefðu þess vegna getið verið 14 ára strákar, en þeir voru nú allir rétt undir 18. En málið snýst ekki um það hvort félagið er betra eða verra heldur þá einstefnu sem er í fjölmiðlum á annað fyrirtækið þar sem allt er blásið út sama hvað kemur fyrir.

[Kolbrún Hilmars, 5.8.2011 kl. 18:28]

Það eru tvær hliðar á öllum málum.  

Ég get afgreitt fyrri hliðina með því að segja að ég var svo fegin að sleppa lifandi úr síðustu ferð með IE/Artreus að ég mun aldrei spila þá rússnesku rúllettu aftur.

Síðari hliðin er svo að það þýðir að valkostum mínum með flugferðir fækkar töluvert.
Ef reyndin er sú að fargjöld Icelandair séu einungis hagstæð vegna samkeppni við IE, þá vil ég nota tækifærið og þakka ykkur öllum hinum sem gera mér kleift að fljúga með Icelandair.  

[Sigurlaug Guðrún Inga Gísladóttir, 5.8.2011 kl. 19:35]

Þér svo sannarlega velkomið Kolla mín Legg töluvert á mig fyrir svona eðalfólk eins og þig, til að mynda að þola yfirgengilegan dónaskap þjónustuaðila Express á Kastrup, þeir gengu meira svo langt að tilkynna mér að ég fengi aldrei að fljúga með þeim aftur eftir að ég lét í mér heyra yfir þjónustu þeirra og dónaskap við farþega á undan mér sem höfðu ekki munnin fyrir neðan nefið Tékkaði nú samt áður en ég hélt í næstu ferð hvort ég mætti taka mér far með þeim og var það auðfengið mál, ákveðinni dömu á Kastrup til ómælds pirrings og mér til mikillar ánægju í kjölfarið. Merkilegt hvað lítið getur glatt mann stundum

[Kolbrún Hilmars, 5.8.2011 kl. 20:04]

Silla mín, ég er búin að fljúga vítt og breitt um heiminn með hinum "ýmsustu" flugfélögum í eina 4 áratugi en hef aldrei mætt dónaskap af því tagi sem þú varst nú að lýsa. 

Er farin að halda að IE sé að gera út á nískuna; lág fargjöld, lágmarksþjónustu og stundarkynni við þjónustuaðila á flugvöllunum.

Ekki skrýtið að allt sé uppí loft hjá þessu Fengs-apparati.  En sennilega er verið að skrapa inn eins marga aura og hægt er áður en félagið missir öll leyfin. Flugvélarnar eru hvort sem er skrapatól sem fara beint á haugana.

[Sigurlaug Guðrún Inga Gísladóttir, 5.8.2011 kl. 20:36]

Nei enda hef ég bara lent í þessu á Kastrup hjá Express ÞRISVAR sinnum og alltaf hjá sömu stúlkunni þar, það eru einfaldlega álög á mér að lenda alltaf á henni held ég. En ég er búin að ákveða að það sé eitthvað að mér sem geri það að verkum að viðkomandi stúlka truflast á geði þegar hún sér mig Ég hafði ekki einu sinni sagt orð síðast, bara rétta fram farseðlana og hún sprakk Þá fór ég bara og óskaði eftir að fá afgreiðslu við þjónustuborð og var það auðfengið, enda var þeim mjög brugðið vegna þessa, þar sem þau sáu hvað gerðist.

[Kolbrún Hilmars, 5.8.2011 kl. 21:29]

Aha, ætli þessi "stúlka" á Kastrup taki því vel ef IE ásakar hana um kæruleysi eins og kollega hennar annars staðar?

En annars svona grínlaust, flugfargjaldið má vera asskoti hagstætt til þess að þola allar þær kárínur sem eru innifaldar.

[Sigurlaug Guðrún Inga Gísladóttir, 5.8.2011 kl. 21:54]

Það þarf að vera það.

Hins vegar  hefði  þessi  vinkona  mín  á Kastrup átt  allar  þær  ávítur  skilið sem  EX  hefði  slengt  á hana.

[Helga Kristjánsdóttir, 6.8.2011 kl. 02:28]

Sæl Silla mín" Vona bara að kórinn með Asterus leiguflugvélinni ,komist klakklaust heim frá Kanada.