Haldið í Skagafjörðinn enn eitt vorið.

Þá er að renna upp dásemdartími vorverkanna og því höldum við Sigurður Þorri (12 ára ) í fjörðin fegursta og gerums blómálfar tímabundið okkur til skemmtunnar. Þetta höfum við gert í all mörg ár og er gaman að rifja það upp að þegar ég var í fyrsta skipti í þessu blómálfa  hlutverki, þá var það í starfskynningu frá Steinsstaðaskóla hjá föðurbróður mínum Fidda í Laugarhvammi. Hann átti og rak garðyrkjustöðin í Laugarhvammi í guð má vita hvað mörg ár. Nú en tímarnir breytast og dóttir Fidda, Jónína mín keypti stöðina af föður sínum  og var ég hjá henni mörg vor og nú er það dóttir Jónínu sem er tekin við stöðinni og enn fer ég norður og hlakka alltaf jafn mikið til.

En hvað skildu það vera mörg fyrirtækin í landinu sem geta státað af slíku, ekkert kennitöluflakk bara ættliðaskipti. Þarna eru engar offjárfestingar og flest nánast eins og þegar Fiddi stofnaði þetta. Moldin er reyndar ekki sigtuð lengur með höndunum en það eru þó bara nokkur ár síðan maðurinn minn smiðaði slíkan grip fyrir Jónínu til að létta henni verkin og er mikil sæla með þenn grip og nú er alltaf nýðst á "sigga" öll vor og ýmislegt skagfirst orðaval notað við þá skemmtun

Mæli með að allir kíki í Garðyrkjustöðina Laugarmýri sem er 10 km fyrir innan Varmahlíð og versli sér stórustu kryddjurtirnar, langflottustu sumarblómin og hraustlegusu tré og runna, svo ekki sé minnst á nýuppteknar gulrætur.

Sáumst

Húsasmiðjan 109% hærra verð!

Tengdasonurinn gerði verðkönnun í dag og er þetta sláandi munur. Þetta er vara þar sem ekki er slegist um hylli kaupanda í fjölmiðlum og verslanir hirða því ekki um að hækka og lækka eftir því hvernig vindar blása.

 

 

Heiðar Örn

Gerði smá verðkönnun á pulsum með fúgu kringum útiglugga.
Húsasm = 2.299kr
Byko = 1.861 kr
Múrbúðin = 1295 kr
Bauhaus = 1.095 kr
Til hamingju Húsasmiðjan það munar bara 109% á ykkur og lægsta!

Líka hjá Icelandair.

Þetta hefur líka gerst hjá Iclandair, þá voru skildir eftir í Amsterdam 3 úr hópferðinni okkar vegna ofbókunnar í vélina, ekki nóg með það heldur átti að vera innifalin matur í fluginu en ekki voru nógu margir slíkir skammtar um borð. Tek þetta fram því mér finnst einstefnan á það sem miður fer hjá Express hjá fjölmiðlum fram úr hófi gengin.

Fjórtán ára stúlka skilin eftir

Hahhahha

Icesave opnar síðu..............

þetta er táknræn fyrirsögn verð ég að segja enda virðist icesave orðið að persónu í satanslíki sem leggur álögur á fólk sem ekki kann að sjálfstæða hugsun hvað þá að stjórna sér  sjálft, en lætur leiða sig eins og lömb til slátrunar.

Ég tek eftir að að eigin nöfn eru sjáanleg á bak við þessa söfnun (mér gæti hafa yfirsést) og engan sé ég lýsa sig ábyrgan fyrir þessari söfnun. Það skil ég vel, enda ekki auðvelt að leggja nafn sitt við slíkt nema viðkomandi sé reiðubúin að opna veski sitt upp á gátt um alla sína framtíð og afhenda fjárglæframönnum framtíðar frjálsan aðgang að því  sem og öllu sem viðkomandi vinnur sér inn næstu tugi ára ef ekki lengur og sennilega barna sinni líka.

Tek undir með hinni virðulegu og bráðskýru áttræðu konu sem hringdi inn á  Útvarp Sögu og spurði hvar er þjóðin, hvar eru mæður komandi kynslóðar, ætlum við að láta þetta viðgangast spurði hún?

. Ég tek einnig undir með henni þegar hún sagði að þingmenn og menntamenn okkar þjóðar sem þetta styðja eruð HELVÍTIS AUMINGJAR og til hvers var verið að mennta ykkur ef þetta er það sem er í boði í staðinn?

  Það verður ekki betur orðað en hún gerði og hvet ég alla til að hlusta þetta símtal inn á vef Sögu.

Icesave Já Takk opnar síðu

Að láta taka sig í óæðri endann..............

Þessi grein fjallar um tryggingarfélögin svo það sé á hreinu.

Mér er svo gersamlega ofboðið og get ekki frekar en venjulega þagað þegar þannig er ástatt, enda jú af Steinsstaðaætt.

Þannig er að við látum alltaf gera tilboð í okkar tryggingar reglulega og hikum ekki við að skipta þegar og ef næsti bíður betur. Við fengum tilboð svona skítsæmilegt, ekkert sérstak en allt í lagi og við tókum því. Svo háttar að við höfum afar sjaldan orðið fyrir tjóni, og ef það hefur verið þá hefur það verið mjög lágar upphæðir: Einu sinni varð spennufall á rafmagni þannig að það dó á frystikistunni og þar sem við vorum ekki heima til að setja hana í gang aftur skemmdist maturinn í henni og var það bætt, og einu sinni var bóndinn dæmdur í órétti á árekstri í fljúgandi hálku, lítið skemmdist en skráð tjón samt. Þetta eru sem sagt stóru upphæðirnar þar til nú um daginn að við setjum upp nýja innréttingu á baðið og kaupum nýja tengikrana hjá Húsasmiðjunni sem reyndust gallaðir og það lekur heitt vatn og skemmir fínu innréttinguna mína, tjónið metið á 150 eða rúmlega það var mér sagt, hef ekki fengið staf frá tryggingafélaginu um það, en í síma var mér þetta tjáð og að sjálfábyrgðin væri um 70,000 þannig að í minn hlut koma 80,000 kr sirka allt í lagi. þetta var sem sagt seint á árinu 2010 sem þetta gerðist.

Nú fæ ég svo rukkun um iðgjöld fyrir nýtt ár og þar kem ég að stóra málinu og sem ég kalla að láta taka sig í óæðri endann. Iðgjöldin höfðu hækkað all verulega eða um meira en 80,000 kr og ég fer að kanna málið.......jú sko, við höfðum orðið fyrir tjóni á síðasta ári og því féllu svo til allir aflættir niður..................... nú varð ég verulega reið en ákvað að telja upp á 10 já eða reyndar 100 mér veitir víst ekki af, og það leiddi af sér þá hugsun til hvers í andskotanum er maður að tryggja fyrir svona þegar í raun maður fær engar bæturnar?

Ég, þegar upp var staðið bar ALLAN kostnað af tjóninu og í raun miklu meira en það, því ef ég tryggi áfram þá er ég farin að greiða þeim aukatryggingar bara af því ég tilkynnti tjónið og þáði bætur, sem ég er nú þegar búin að greiða þeim að fullu með því og ef ég samþykki að tryggja eitt ár enn hjá þeim.

Nú leita ég tilboða í tryggingar þar sem eru engir aflættir ( svona eins og Múrbúðin)  og engin sjálfábyrgð, ( ég vil nefnilega vera TRYGGÐ) en þá segja þau öll með tölu ... nei við getum EKKI tryggt þig þannig við gerum ekki slíka díla ( orðað fínna = skilmálar), sem ég mætavel skil , því þá geta þeir ekki lengur tekið okkur viðskiptavinina í rassgatið þegar þeim hentar.

Táknrænt.

Þetta eru táknrænar fréttir í kjölfar framhaldsmyndar stöðvar 2 í kvöld og gærkvöld.

Dauðir fiskar í þúsunda tali  reka á land í Bandaríkjunum þessa viku?

Fuglar hrapa í þúsundatali í Bandaríkjunum þessa viku?

Mikil fljóð í Ástralíku þessa viku?

Hverju er ég að gleyma?

Og ef við tækjum allt nýliðið ár..........ja það yrði ljóta samantektin.

Hvað er satt og hvað er logið og hverju er haldið leyndu fyrir okkur um alvarleika mengunnar?

Svo er sýndarmennskan ógurlega hér heima í flokkun á sorpi, sem þegar upp er staðið og ef allt er skoðað til enda að menga miklu meira heldur en ef heima væri setið. Er ekki komin tími til að huga að breyttum aðferðum og hlusta á okkar eigin samvisku en ekki hvað okkur er uppálagt að sé betra svona eða hinsegin. Því ef grant er skoðað þá virðast allar aðferðir í öllum málum, hvort sem það snýr að mengun eða hverju sem , er allt virðist miðast við hagsmuni fjármálakerfisins og þeirra sem standa á bak við það. Er kannski komin tími til að henda til hliðar vinstri og hægri, grænu og því sem telst andstæða þess  og hugsa bara alveg upp á nýtt?

Flóð hækka kola- og stálverð

Gleðilega hátið.

Vil óska öllum bloggvinnum sem og öðrum þeim er líta hér inn gleðilegrar hátíðar með von um gæfuríkt komandi ár.

Heyrumst hress, kát og málefnaleg á nýju ári, með léttum húmor inná milli og munum að taka okkur ekki of hátíðlega.

Jólakveðja 

Sigurlaug

En þú viðheldur eineltinu.

Þögn í kringum einelti er til þess eins gert að viðhalda því og þar sem Atli vill ekki nefna nein nöfn í því sambandi en segir samt að slíkt viðgangist þá er hann í raun þátttakandi á línunni. Þögn er nefnilega sama og samþykki þegar kemur að einelti og það verður ekki upprætt nema með háværu nafnakalli. Sama gildir í skólum landsins, meðan þögnin umvefur  gerendur þá verður þetta vandamál.

Atli !!! það er komin tími til að stinga á graftrarkýlið og þó fyrr hefði verið.

Lilja lögð í pólitískt einelti

Frábært og koma svo.

Þetta er nákvæmlega það sem ESB og Bretar óttuðust að gerðist og því var ofurkapp lagt á að við undirrituðum Icesave  svo ekki skapaðist fordæmi sem kæmi fjármálaheiminum illa, svo illa að það gæti verið upphafið að því að ekki yrði framvegis hægt að velta tapi einkabankanna eilíflega yfir á hinn almenna borgara. OG ÞETTA ÆTLUÐU ÍSLENSK STJÓRNVÖLD AÐ TAKA ÞÁTT Í OG ERU ENN AÐ.

Nú eru Írar að sjá að auðvitað var það glórulaust af þeirra stjórnvöldum að gefa slíka yfirlýsingu en þau fyrirmæli hafa örugglega komið frá ESB sem fyrst og fremst gætir hag fjármálaheimsins en ekki hins almenna borgara.  Írar ætla sér að læra af reynslu okkar sem betur fer og eru að rísa upp, það væri betur að íslenskir stjórnmálamenn færu að átta sig á fyrir hverja þeir eru að vinna og fara standa með þjóðinni og segja Bretum að við munum ekki greiða  skuldir einkabanka sama hvað þeir hóta sem og við munum aldrei ganga í ESB sem er fyrst og fremst uppbyggt til að mæra og verja fjármálabrask hinna ríku og til að hægt sé að leika sér svo endalaust þarf okkur hinn almenna borgara til að vinna fyrir þeim. ÞEIR munu nefnilega aldrei dýfa hendi í kalt vatn svo mikið er víst.

Búsáhaldabylting á Írlandi

Íslenska leiðin.

 Er þetta jafnaðarstefnan í hnotskurn?

Þetta er auðvitað til háborinnar skammar að gera svona, en ekki kemur þetta á óvart. Svona hefur þetta alltaf verið og greinilegt að ekkert hefur breyst. Nú held ég líka að endanlega verði lögð niður sú kynslóð sem hefur reynt að kenna afkomendum sínum ráðdeild og hagsýni, að það væri eitthvað  sem rétt væri að gera, glætan að maður haldi því áfram, þessi ríkisstjórn er búin að sjá til þess, sem og bankar og lífeyrissjóðir.

Að fólk skuli ekki skammast sín að setja slík fordæmi enn og aftur er mér alveg fyrirmunað.  Er það "jafnaðarstefnan" í hnotskurn að verðlauna þá sem  skuldsetja sig í botn og berja svo á þeim sem sína fyrirhyggju? Hvaða réttlæti er það mér er spurn? Hvernig er hægt yfirleitt hægt að leyfa sér slíkar aðgerðir sem mismuna fólki svo gróflega? Er þetta ekki komið á það stig að rétt sé að láta þetta fara út fyrir landsteinana, þangað sem fjallað er um mannréttindi?

Mér er svo algerlega misboðið hvað varðar þennan hluta þessa aðgerðarpakka sem boðið er uppá, því enn og aftur er það fjármálastofnanir sem sitja fyrir, en ekki réttlæti almenningi til handa.

Skammist ykkar bara.

Hinir ráðdeildarsömu tapa

Þöggun, herferð?

Nú er hafin einhvers konar herferð gegn svokallaðri neikvæðni. Og gert mikið í því að gera lítið úr þeim einstaklingum sem "þjást" af slíku. Koma upp úr skotgröfunum og líta á björtu hliðarnar er eitt af slagorðunum sem notuð eru. Merkilegt hvað þetta er alltaf notað mikið þegar einhver gagnrýnir stjórnvöld eða hverskonar valdhafa hvar sem þeir eru í stjórnkerfinu. Fyrir mér er þetta herferð gegn réttlátri reiði almennings sem og  ráð til að þagga niður það sem ekki má vera uppi á borðinu.

 Þetta heyrist ansi oft t.d gegn Lilju og "villiköttum" hennar, því þeir einstaklingar ganga full hart fram eftir  sannleikanum og ekki talið ráðlegt að þau fái að leika lausum hala lengur og því er maskínan sett á stað.

Þessi sami söngur var settur á stað þegar heyrast fóru gagnrýniraddir á banka og fjármálakerfið á sínum tíma. Lítið var gert úr því fólki, og það þjáðist af öfund og neikvæðni og alls konar leiðinlegum kvillum. Við hefðum kannski betur leyft þeirri "veiru" að brjótast úr, værum þá kannski betur stödd í dag ef þessir "öfundsjúku leiðindapúkar" hefðu fengið að tjá sig til fulls sem og skoða málin í kjölinn.

Nú er þessi söngur komin á fullt aftur og mér heyrist við almenningur ætla enn og aftur að  gleypa við honum, því guð forði okkur frá því að teljast leiðindapúkar sem höfum neikvæðni að leiðarljósi, sei sei nei við getum ekki látið það spyrjast um okkur.

Hið undursamlega og almáttuga ESB.

Var það ekki sagt að slíkar hremmingar gætu ekki komið fyrir ríki innan ESB? Af hverju finnst mér það hafa verið ansi hávær "rök" á sínum tíma fyrir inngöngu. Og af hverju  eru fréttamenn þessarar þjóðar ekki  farnir að skoða þann áróður í samhengi við það sem nú er að gerast á Írlandi og Portugal?

 

ESB aðvarar Íra

Vilhjálmur Egilsson !

 Djöfull varð ég svaðalega reið við að horfa á þessa karluglu tala um það að bætur væru hugsanlega of háar. Því í óskupunum spurði fréttmaður heldur ekki hvort það gæti verið að lægstu launin væru bara ALLT OF LÁG sem auðvitað er vandamálið í hnotskurn. Held að þessi ræfistuska ætti að prófa að lifa á örorkubótum strípuðum og tala svo við mig beint og milliliðalaust ef hann þorir, en það mun hann auðvitað ekki hafa kjark til

Vilhjálmur!!!!!! þér er hér með boðið í viðtal og fræðslu um hvernig það er fyrir öryrkja að lifa af þessu svívirðilega "háu" bótum eins og þú vilt kalla það.

Aðdróttanir?

Hvers vegna nafngreinir Guðmundur Gunnarsson ekki þá sem hann er að tala um, í stað þess að vera með ómerkilegar aðdróttanir?

Svona  málflutningur hjá  manni í hans stöðu er fyrir neðan allar hellur og ætti   hann að segja af sér ef hann er ekki maður til að hreinsa til hjá þessum  meintu óþokkum. Ég efast svo sannarlega ekki um að slíkir eru til, en  þegar einhver veit af slíku eins og Guðmundur á viðkomandi að vera maður til að gera eitthvað í málinu ella þegja ell. Og ef hann í sinni stöðu er ekki fær um að gera eitthvað .....HVER ÞÁ?

Mr. X kaupir raðhúsalengju

OJJJJJJJJ

Þeim hefði verið nær að hanna eitthvað sem líktist þeim gamla sem brann og virða þar með gamalt og gott. Hefðu getað reynt að sýna hæfni sína í því að aðlaga gamalt að nútímanum. Svona hús eins og þessi mynd sýnir, tónlistarhúsið, menningarhúsið á Akureyri, grunnskólinn á Egilsstöðum og fl. og fl eru skelfilega ljót og falla engan vegin inn í okkar íslenska umhverfi sama hvað mörg falleg orð eru látin falla um að þessi og þessi hönnun sé sérstaklega gerð með tilliti eða vísan í íslenska náttúru. Ég vona innilega að svona viðbjóður rísi ekki líka á Þingvöllum og við höfum vit til að láta það ekki henda.

Glæsihótel á Þingvöllum